Үрүмчидә нәпәс йоли кесәлликлири көпәйди


2006.12.26
Share on WhatsApp
Share on WhatsApp

Қиш киргәндин буян үрүмчидә нәпәс йоли кесәлликлири көпийишкә башлиған болуп, шинҗаң хәвәр ториниң ашкарилишичә, һазир үрүмчидики аптоном районлуқ хәлқ дохтурханисиниң нәпәс йоллири кесәлликлири бөлүмидә кесәл көрситишкә кәлгәнләрниң сани бирдинла ешип кәткән. Нәпәс йоллири бойичә кесәл көрситидиғанлар илгири 70 тин 80 ғичә болған болса һазир бирдинла һәр күни 200 гә йәткән.

Хәвәрдә ейтилишичә, бу әһвал үрүмчи шәһириниң башқа дохтурханилиридиму гәвдилик болуп, үрүмчи шәһәрлик балилар дохтурханисида 400 дин артуқ балиға кариват йетишмәй қалған. Шинҗаң тиббий университетиниң дохтурханисидиму нәпәс кесәлликлириниң сани ешип кәткән.

Буниңдин хәвәр тапқан бәзи тиббий вә әкологийә мутәхәссислири үрүмчиниң муһит булғиниш әһвалиниң еғирлиқи һәм башқа түрлүк сәвәбләрниң нәпәс йоллири кесәлликлириниг көпийишидики муһим амилларниң бири икәнликини билдүрүшмәктә. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.