Үрүмчиниң шималидики зәйлик қуруп кетиш хәвпигә учримақта


2004-10-25
Share

Үрүмчиниң һава-килиматидики нәмликни сақлашта муһим рол ойнайдиған чиңгида көли әтрапидики зәйлик нөвәттә қуруп кетиш хәвпигә дүч кәлмәктә.

Хитай даирилириниң мәлуматлириға қариғанда, үрүмчи наһийисидики чиңгида көлини орап туридиған зәйликниң көлими әслидә 20 миң моға йеқин болуп, йеқинқи бир нәччә йил ичидила зәйликниң үчтин бир қисми қуруп кәткән. Чиңгида көли әтрапидики зәйликләр тәхминән һәр йили 600 молиқ сүрәт билән йоқалмақта.

Бу зәйлик қурбан туңғут қумлиқидин учуруп келингән қумларни тосуп, үрүмчиниң һавасини тәңшәштә муһим рол ойнайтти. Чиңгида көл зәйлики йәнә түрлүк қушларниң макани иди. Зәйликниң тез қуруп кетиши бу йәрдә яшайдиған қушларниң азлап кетишини кәлтүрүп чиқарған.

Чиңгида көли тәбии қоғдаш раюни даирилири, зәйликниң бундақ тез қуруп кетишигә кишиләрниң қалаймиқан боз йәречиши вә саяһәтчиләрниң булғиши асаслиқ сәвәб боливатқанлиқини көрсәткән. Чәтәлдики бир қисим уйғур анализчилири уйғур елидә нопусниң тез ешиши вә һөкүмәт даирилириниң муһитни қоғдашта үнүмлүк тәдбир қолланмаслиқи сәвәбидин икилогийилик тәңпуңлиқниң еғир дәриҗидә бузуливатқанлиқини билдүрмәктә. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт