Бил клинтон уйғур аптоном районини зиярәт қилди


2005-09-09
Share

Америкиниң сабиқ президенти бил клинтон, җүмә күни уйғур аптоном райониниң мәркизи үрүмчигә келип, хуалиң гуруһиниң орунлаштурушидики " шинҗаң хәлқара иқтисади юқири дәриҗиликләр мунбири" дә " йипәк йоли вә дуня иқтисадиниң бир гәвдилишиши" дегән темида нутуқ сөзлиди. Әмма хитай мәтбуатлири һазирғичә, клинтонниң нутуқиниң мәзмунини елан қилмиди.

Клинтон хуа лиң миһманханисиға чүшкән болуп, униң нутуқини аңлаш белити адәттики тиңшиғучиларға 500 сомдин 1000 сомғичә арилиқта сетилди. Алаһидә меһманлар белити 20 миң йүән болуп, бу кишиләр клинтон билән биргә барған карханичилар билән сөзлишәләйду.

10 Миң доллар төлигәнләр клинтон билән сөзлишиш пурситигә еришидикән. Клинтон үрүмчигә келиштин бурун җиңҗу вә күнмиңларни зиярәт қилип, бу йәрдә әйдиз вироси билән юқумланған балиларни йоқлиған. Хенәндики әйдизләр клинтон фонди җәмийитиниң ярдимигә еришкән иди. Клинтон фонди җәмийити хитай сәһийә министирлики билән келишим имзалиғандин бери, әйдиз вироси билән юқумланған балиларға дора ярдими қилип кәлди. Билл клинтон һазирғичә уйғур аптоном райониға барған тунҗи америка президенти. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт