"Bügünki amérika" gézitide xitayning "gherbni échish" siyasitining esli qiyapiti ashkare qilindi


2004.10.07

Amérikidiki meshhor "bügünki amérika" gézitide peyshenbe küni xitayning gherbni échish siyasetlirining Uyghur élidiki yerlik xelqni emes, belki xitay köchmenlirini menpe'etlendüriwatqanliqi eks ettürülgen bir parche maqale élan qilindi.

Mezkür gézitning muxbiri deywid linchning qeshqer qatarliq jaylarni inichlik bilen küzitish arqiliq yazghan bu maqalisida, Uyghurlar bilen xitaylar arisidiki milliy, diniy we iqtisadiy perqning zorliqi, halbuki xitay hökümitining Uyghur élidiki kontrolluqni kücheytish üchün, nechche on yildin boyan séstimiliq halda köchmenlerni jelp qilish siyasetlirini yürgüzgenliki teswirlen'gen.

Maqalide körsitilishiche, buning netijiside, Uyghur élidiki xitaylarning nopusi shiddet bilen ashqan. Chet'eldiki mutexessisler qeshqerdek bir qedimiy Uyghur sheherdimu xitaylarning nopusi omomiy sheher nopusining üchtin birige yetken bolishi momkinlikini mölcherlimekte.

Maqalide tekitlinishiche, xitay köchmenliri Uyghur élidiki iqtisadiy güllinishtin eng köp behriman boliwatqan bolup, yerlik xelq özlirini iqtisadiy tereqqiyatning sirtida qaldurulghandek his qilmaqta iken.

"Bügünki amérika" géziti muxbirining maqalide yekünlishiche, xitay hökümiti gerche gherbni échish siyasiti bilen bu rayunni güllendürüsh arqiliq, Uyghur élidiki milliy, siyasiy we bashqa ijtima'iy mesililerni hel qilishqa bolidu dep qarisimu, emiliyette eger xitay hökümiti Uyghurlar bilen xitaylar otturisidiki iqtisadiy perqni azaytmisa, kelgüside téximu chong mesililer kilip chiqishi mumkin iken. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.