Xitay yene bir türküm kadirlirini qeshqerge ewetti


2005.07.31

Xitay hökümiti teripidin Uyghurlar zich olturaqlashqan qeshqer wilayitidiki rehbiri xizmetlerni zimmisige élish üchün mexsus teyyarlan'ghan 128 neper xitay kadiri qeshqerge yétip keldi. Beshinchi türkümdiki mezkur xitay kadirliri Uyghur aptonom rayoni kompartiye komitétining birinchi sékritari wang léchü'enning yurti shendong ölkisidin shuningdek yene tyenjin qatarliq jaylardin kelgen iken.

Bu heqte xitay kompartiyisining awazi hésablinidighan shinjang xelq radi'o istansisi uchur tarqatqan bolup, xewerde körsitilishiche 1997-yilidin buyan jemiy 319 kadir qeshqer wilayitige yardemge ewetilgen iken.

Bir tutash orunlashturush boyiche, bu xitay kadirliri nahiye we sheherlerning asasliq rehberlik xizmitini sinaq teriqiside zimmisige alidiken. Ularning beziliri nahiyilik partkomning sékritariliq wezipisini béjirgendin sirt yene iqtisadiy jehettiki bashqurushnimu qolgha alidiken.

Ismini ashkarilashni xalimighan bir Uyghur kadirining éytishiche, yéqinqi yillardin buyan xitay hökümiti Uyghurlarning xitay hökümitige bolghan naraziliqliri we milliy musteqilliq heriketlirining künsayin küchiyishige egiship, Uyghurlar nopus jehette mutleq üstünlükni igiligen qeshqer, aqsu we xoten qatarliq wilayetlerge bolghan kontrolluqni chingitqan bolup, mezkur yardemge ewetilgen xitay kadirlirigha ene shu musteqilchilirige zerbe bérish asasiy wezipe qilin'ghan. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.