Йәнә бир түркүм хитай кадирлири уйғур елигә "ярдәм қилиш" нами билән кәлди


2005.10.26
Share on WhatsApp
Share on WhatsApp

Йеқинда хитайниң мәркәз вә дөләт органлиридин вә һәр қайси мәркәзгә қарашлиқ карханилири һәмдә хитайниң башқа өлкә, шәһәрлиридин болуп 946 нәпәр хитай кадир уйғур елигә "ярдәм қилиш" нами билән йетип кәлди.

Аптоном районлуқ кадирлар назаритиниң билдүришичә, булар уйғур елигә ярдәм қилишқа кәлгән 5 - түркүм кадирлар сепи болуп, бу хитайниң 8 йиллиқ " кадирларни шинҗаңға ярдәмгә елип келиш пилани" ниң бир қисми икән.

Буниңдин авалқи 4 түркүм "шинҗаңға ярдәм қилиш кадирлири" илгири-ахир болуп, мәркәз вә дөләт органлиридики 91 орундин һәмдә 13 өлкә вә шәһәрдин кәлгән. Хәвәрдә мәлум болишичә, бу кадирларниң 640 и партийә-һөкүмәт хадими, 2 миңға йеқин кәспий техника хадими вә 447 нәпәр юқири унванлиқ кадирлар икән.

Шундақла бу йил 8 -айғичә болған мәзгилдә өткәнки 4 түркүмдики уйғур елигә кәлгән кадирлар сепидин җәмий 1739 кадир 3 йиллиқ хизмәт вәзиписини ахирлаштуруп, юртлириға қайтип болған. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.