Yene bir türküm xitay kadirliri Uyghur élige "yardem qilish" nami bilen keldi

Yéqinda xitayning merkez we dölet organliridin we her qaysi merkezge qarashliq karxaniliri hemde xitayning bashqa ölke, sheherliridin bolup 946 neper xitay kadir Uyghur élige "yardem qilish" nami bilen yétip keldi.

Aptonom rayonluq kadirlar nazaritining bildürishiche, bular Uyghur élige yardem qilishqa kelgen 5 - türküm kadirlar sépi bolup, bu xitayning 8 yilliq " kadirlarni shinjanggha yardemge élip kélish pilani" ning bir qismi iken.

Buningdin awalqi 4 türküm "shinjanggha yardem qilish kadirliri" ilgiri-axir bolup, merkez we dölet organliridiki 91 orundin hemde 13 ölke we sheherdin kelgen. Xewerde melum bolishiche, bu kadirlarning 640 i partiye-hökümet xadimi, 2 minggha yéqin kespiy téxnika xadimi we 447 neper yuqiri unwanliq kadirlar iken.

Shundaqla bu yil 8 -ayghiche bolghan mezgilde ötkenki 4 türkümdiki Uyghur élige kelgen kadirlar sépidin jem'iy 1739 kadir 3 yilliq xizmet wezipisini axirlashturup, yurtlirigha qaytip bolghan. (Peride)