Хитай өлкилиридики чоң карханилар уйғур елиға маканлишип иқтисадий үстүнлүккә еришмәктә


2007-04-05
Share

Хитай һөкүмити хитай өлкилиридики бир түркүм чоң кархана вә кархана гуруһлириниң, уйғур елидә маканлишип, уйғур елидики әвзәл байлиқни иқтисадий үстүнлүккә айландуруш истратегийисиниң йолға қоюлуш қәдимини тезләтмәктә.

Хитай ахбарат вастисиниң 5 ‏- април күнидики хәвиридин ашкарилинишичә, 2005 ‏- йили шинхуа гуруһи, җуңго ашлиқ гуруһи вә җуңго химийә санаити гуруһи, җуңго сучилиқ гуруһи қатарлиқ 4 чоң кархана уйғур елиға маканлишип, уйғур аптоном районидики полат ‏- төмүр, бинакарлиқ қурулуши, химийә санаити, сучилиқ қатарлиқ кәсиплирини ечиш қурулушиға қатнашқан. Буларниң ичидә шаңхәй бавшән полат - төмүр гуруһи шинҗаңда маканлашқандин кейин, 3 милярд йүән капитални ройхәткә алдуруп, уйғур елиниң полат - төмүр ишләпчиқириш миқдарини 3 милйон тоннидин 6 милйон тонниға йәткүзмәкчи болған. Җуңго қурулуш материяллири пән - техника санаити гуруһи, қәшқәрдә күнигә бир миң 600 тонна семонт ишләпчиқириш иқтидариға игә қурулушни йолға қойған.

Буниңдин сирт йәнә нурғун хитай кархана гуруһлири бир түркүм йеңи түрләр бойичә алдинқи басқучлуқ тәйярлиқ хизмәтлирини ишләшкә киришип кәткән.

Уйғур елидә әсли мәвҗут болған завут - карханиларни иштин тохтатқанлиқини инкас қилған дуня уйғур қурултийиниң баянатчиси дилшат решит әпәнди, хитай һөкүмитиниң уйғур елидә уйғур ишчи - хизмәтчиләрни асас қилған һәмдә йәрлик башқуридиған кархана, гуруһларниң орниға хитай карханилирини дәсситип, шуларниң мәнпәәтигә пайда йәткүзүш йолини тутуватқанлиқини, буниң ашкара һалда хитай милләтчилики сияситини йолға қоюш икәнликини билдүрди. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт