Май ейида хитайдин уйғур елигә йәниму көп хитай кәлмәкчи


2007-04-15
Share

Шинхуа агентлиқиниң хәвиридин мәлум болушичә, уйғур ели қатнаш һәмдә саяһәт органлири май байрими алтун һәптиликидә хитайдин келидиған саяһәтчиләр долқунини орунлаштуруш үчүн җидди һәрикәт қиливатқан болуп, даириләр 167 миң адәм қетим йолучи тошушқа капаләтлик қилишқа тәйярланған.

Мәлум болушичә пәқәт -1 май, бир күндила хитайдин уйғур елигә пәқәт саяһәт үчүнла келидиған йолучиларниң сани44миңдин артуқ болуп, алтун һәптиликтәхитай ичидин 400миңдин көпрәк саяһәтчиниң уйғур елигә келидиғанлиқи мөлчәрләнмәктә.

Бәзи хәвәрләрдин мәлумки баһар келиши билән хитайдин уйғур елигә иш издәп чиқидиған хитайларниң сани шиддәт билән ешиватқан болуп, адәм қайнимидин төмүр йол қатнаш даирилириму бесим һес қилған болуп, бу адәм долқунлирини бихәтәр уйғур елигә йөткәш үчүн даириләр бейҗиң- үрүмчи төмүр йол қатнишиниң сүрити 42 саәткичә тезлитилгәндин башқа айрим -айрим, ақсу -ләнҗу томур йол қатниши, үрүмчи- шаңхәй төмүр йол қатниши һәмдә үрүмчи нәнҗиң төмүр йоллириниң сүритини тезләткән һәмдә қатнаш қетим саниниму ашурған. (Гүлчеһрә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт