Uyghur éligha yene bir türküm xitay oqughuchiliri orunlashturuldi


2006.07.27
Share on WhatsApp
Share on WhatsApp

Xitay hökümitining gherbiy rayonlargha yardem bérish shu'ari astida, yéqinda shendung we shenshidin kelgen 786 neper xitay aliy mektep oqughuchiliri, Uyghur élining jenubiy we shimalidiki mektep we dawalash organlirigha bérip mulazimet bashlidi.

Xitay xewer agéntliqining 27 ‏- iyul küni bergen xewirige asaslan'ghanda , 2003 ‏- yilidin béri yolgha qoyulghan mezkür pilan boyiche, xitay ölkiliridin kelgen 2 ming 197 oqughuchi Uyghur élining 32 nahiye we sheherliride xizmetke orunlashturulghan bolup, ularning köpinchisi Uyghur élining herqaysi jaylirigha makanlashqan.

Xitay hökümitining Uyghur aptonom rayonigha békitip bergen, partkom mu'awin sékritari we re'isi isma'il tiliwaldi, xitay da'irilirining mezkür siyasitige qizghin awaz qushup, munasiwetlik orunlarning mezkür xitay oqughuchilargha yaxshi shara'it hazirlap bérishini telep qilghan . U yene": men silerning, shinjangning islahat , tereqqiyat we muqimliqi üchün töhpe qoshushinglarni ümid qilimen" dégen.

Uyghurlarning chet'ellerde pa'aliyet élip bériwatqan siyasiy akitipliri, Uyghur élidiki ishsizliq mesilisining , del xitay hökümitining her xil bahanilar bilen, xitay köchmenlirini orunlashturush sewebliri tüpeyli meydan'gha kelgenlikini ilgiri sürmekte. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.