Xitayning Uyghur rayonidiki ékologiyilik köchmenler qurulushi
2004.10.15
Xitay hökümiti ékologiyilik köchmenler qurulushi dep nam bergen Uyghur rayonida chégra yaqisidiki ahalilerni köchürüsh siyasiti boyiche yéqinqi 5 yil ichide 150 ming kishini teb'iy shert - shara'iti nachar rayonlardin bashqa jaylargha köchürgen. Uyghur aptonom rayonidiki muhit asrash da'irliri, ékologiyilik köchmenler qurulushining tebi'iy shert - shara'iti yaxshi bolmighan jaylardiki ahalilerni yashashqa qolayliq jaylargha köchürüshni meqset qilidu dep körsetmekte. Xitay metbu'atlirining aptonom rayonluq muhit qoghdash idarisidiki da'irilerning sözini neqil keltürüshiche, xitay hökümiti yéqinqi bir qanche yil ichide mezkur qurulushqa 6 milyard 300 milyon dollar meblegh salghan. Ilgiri kéyin bolup yashashqa qolayliq bolmighan jaylardiki 157 ming kishini bashqa rayonlargha köchürgen.
Ékologiyilik köchmenler qurulushining köchürüsh nishani qeshqer, xoten we qizil su rayonining hindistan, pakistan, afghanistan chégrisidiki Uyghurlar olturaqlashqan yéza - kentlerni asas qilidu. Qeshqer wilayitining yerkent nahiyisige qarashliq damsi, qoshirap, kajung yéziliridiki 5 ming Uyghur dehqan chigridin yiraq jaylargha köchürüwétilgen. Xitayning Uyghur rayonidiki ékologiyilik köchmenler qurulushini tenqit qiliwatqan chet'eldiki Uyghur teshkilatliri, namratliqtin qutuldurush namidiki bu qurulushning gherizi Uyghurlarni chégra rayonlardin yiraqlashturush dep eyiplidi. Dunya Uyghur qurultéyining bayanatchisi dilshat rishit, xitay hökümiti Uyghurlarning chégra rayonlarda olturaqlishishini özige tehdit dep qarawatidu, Uyghurlarni ch'égra rayonlardin kolliktip köchürüsh herikiti b d t xelqara kishilik hoquq ehdinamisigha xilap, dep körsetti. (Erkin)
Munasiwetlik maqalilar
- "Bügünki amérika" gézitide xitayning "gherbni échish" siyasitining esli qiyapiti ashkare qilindi
- Ürümchi ottura aylanma yol qushxanisi taqaldi
- Uyghur élidiki yéza igilik yer- meydanlirining muhiti éghir buzghunchiliqqa uchrimaqta
- Uyghur élide emgekchiler nopusining künsayin éshishi, ishsizliq ehwalini éghirlatmaqta
- Uyghur ilidiki paxtilarni kim üzidu ?