Үрүмчи шәһири сода характерлиқ қурулушлар сәвәбидин пуқраларни мәҗбурий көчүрүшни чәклиди


2004-12-30
Share

Үрүмчи шәһәрлик һөкүмәт, сода характерлиқ қурулушларда һөкүмәт даирилириниң мәҗбурий көчүрүш вастиси қоллинишиға бирдәк йол қоюлмайдиғанлиқини билдүрди.

Хитай хәвәр ториниң билдүрүшичә, үрүмчи шәһәрлик партийә комитетиниң муавин секритари го лийәншән чаршәнбә күни ечилған 2004 - йиллиқ үрүмчи шәһириниң қурулуш йиғинида сөз қилип, "бундин кийин, сода характерлиқ қурулушларда, һөкүмәт тармақлири бирдәк мәҗбурий көчүрүш вастиси қоллинишқа болмайду" дәп көрсәткән.

Хитайда, шундақла уйғур елидә мәҗбурий көчүрүш әһваллири интайин еғир. Көпинчә һалларда һөкүмәт тармақлири содигәрләр билән тил бириктүрүп, өй вә земин игилиригә тигишлик төләм бәрмәстин, уларни мәҗбурий көчүриду. Бу сәвәбтин, өй - земин даваси билән әрз сунидиғанларниң сани йилдин - йилға ашмақта.

Уйғур аптонум районлуқ һөкүмәт өткән йили 4 - айниң 1 - күни йеңи көчүрүш бәлгилимиси чиқирип, һөкүмәт тармақлириниң көчүрүш ишлириға арилашмаслиқини тәләп қилған. Әмма бу бәлгилимә тулуқ иҗра қилинмиған болуп, үрүмчи шәһәрлик әрзийәт башқармисиниң ашкарилишичә, үрүмчидә мәҗбурий көчүрүш сәвәбидин әрз сунғанларниң сани йәнила интайин көп икән. Шуңа бир қисим уйғур күзәткүчилири, үрүмчи шәһәрлик һөкүмәтниң мәҗбурий көчүрүш ишлириға арилашмаслиқни әмәлгә ашуралайдиғанлиқиға гуман билән қаримақта. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт