Ürümchi shehiri soda xaraktérliq qurulushlar sewebidin puqralarni mejburiy köchürüshni cheklidi

2004-12-30
Élxet
Pikir
Share
Print

Ürümchi sheherlik hökümet, soda xaraktérliq qurulushlarda hökümet da'irilirining mejburiy köchürüsh wastisi qollinishigha birdek yol qoyulmaydighanliqini bildürdi.

Xitay xewer torining bildürüshiche, ürümchi sheherlik partiye komitétining mu'awin sékritari go liyenshen charshenbe küni échilghan 2004 - yilliq ürümchi shehirining qurulush yighinida söz qilip, "bundin kiyin, soda xaraktérliq qurulushlarda, hökümet tarmaqliri birdek mejburiy köchürüsh wastisi qollinishqa bolmaydu" dep körsetken.

Xitayda, shundaqla Uyghur élide mejburiy köchürüsh ehwalliri intayin éghir. Köpinche hallarda hökümet tarmaqliri sodigerler bilen til biriktürüp, öy we zémin igilirige tigishlik tölem bermestin, ularni mejburiy köchüridu. Bu sewebtin, öy - zémin dawasi bilen erz sunidighanlarning sani yildin - yilgha ashmaqta.

Uyghur aptonum rayonluq hökümet ötken yili 4 - ayning 1 - küni yéngi köchürüsh belgilimisi chiqirip, hökümet tarmaqlirining köchürüsh ishlirigha arilashmasliqini telep qilghan. Emma bu belgilime tuluq ijra qilinmighan bolup, ürümchi sheherlik erziyet bashqarmisining ashkarilishiche, ürümchide mejburiy köchürüsh sewebidin erz sun'ghanlarning sani yenila intayin köp iken. Shunga bir qisim Uyghur küzetküchiliri, ürümchi sheherlik hökümetning mejburiy köchürüsh ishlirigha arilashmasliqni emelge ashuralaydighanliqigha guman bilen qarimaqta. (Arzu)

Pikirler (0)
Share
Toluq bet