Ghuljida saqchilar öyidin köchüshni ret qilghan bir Uyghurgha oq chiqirip uning köyüp kétishige sewebchi boldi


2006.05.30
Share on WhatsApp
Share on WhatsApp

Uyghur aptonom rayonining ghulja shehiride saqchilar qora jayidin köchüshni ret qilghan bir Uyghur a'ilisining 20 yashliq oghligha oq chiqirip putidin yarilandurdi we uning köyüp kétishige sewebchi boldi. Nöwette 20 yashliq bu bala ili herbiy rayon doxturxanisida qutquzulmaqta.

Bu weqening kélip chiqishigha ghulja shehirining xitay baziri rayonidiki tére bazirigha jaylashqan qora jay igisi exmet abduréhimning, jayini 300 ming yüen'ge sétishni ret qilghandin kéyin köchüshke mejburlan'ghanliqi sewebchi boldi. Qora jay igiliri nur'exmet hoshur we abdukérim maymun isimlik ikki aka - ini sodigerni ghulja sheherlik sheher qurulush idarisining bashliqi ilibek bilen til biriktürüp qora jayini kem bahalash, sétip bérish we qora jaydin köchüshke mejburlash bilen eyiblimekte.

Nur'exmet hoshur we abdukérim hoshurlar ilgiri exmet abduréhim olturuwatqan qora jayning bir qisimini sétiwalghan we emdi qora jayning qalghan qisimini sétiwalmaqchi bolghan. Bu jeryanda qora jay igiliri aptonom rayonluq yuqiri sot mehkimisigiche erz sun'ghan we yuqiri sot qora jayni qayta bahalashni telep qilghan iken. Lékin 5 - ayning 14 - küni yuqiri sotning hökümini sheherlik saqchi idarisigha élip barghan exmet abduréhim we uning ayalini saqchilar yéngi hayat türmisige 15 künlik solap qoyghan.

Etisi sheher qurulush idarisining xadimliri we saqchilar exmet abduréhimning qora jayini chéqiwetmekchi bolup barghanda, exmet abduréhimning 20 yashliq oghli öyi we özige bénzin chéchip, eger öyini chaqmaqchi bolsa ot qoyuwétidighanliqini agahlandurghan. Saqchilar uninggha qaritip 2 pay oq atqan we bir pay oq uning putini zexmilendürgen. Bu jeryanda bénzin ot élip ketkenlikdin exmet abduréhimning oghli we qora jayigha ot kétip, exmet abduréhimning oghli yarilandi. Nöwette uninggha herbiy rayon doxturxanisida qutquzush élip bérilmaqta. Uning yarilinish ehwali hazirche melum emes, saqchilar weqening chongiyip kétishidin qorqup exmet abduréhim we ayalini qoyup bergen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.