كۈنەستە خىتاي كۆچمەنلىرى مەبلەغ چىقىرىپ، يەرلىك دېھقانلار يەر ۋە كۈچ چىقىرىپ كىرىمنى تەڭ بۆلۈشىدىغان ئىگىلىك شەكلى قانات يايدۇرۇلماقتا

2007-06-20
ئېلخەت
پىكىر
Share
پرىنت

كۈنەس ناھىيىسىنىڭ بەشتۆپە يېزىسىدا، ئىچكىرىدىن كەلگەن خىتاي كۆچمەنلىرى مەبلەغ ۋە ئەقىل (تېخنىكا) چىقىرىپ، يەرلىك دېھقانلار يەر ۋە ئەمگەك كۈچى چىقىرىپ كۆكتات تېرىپ، مەھسۇلات كىرىمنى تەڭ بۆلۈشىۋالىدىغان بىرخىل 'ئىگىلىك شەكلى' قانات يايدۇرۇلغان.

خىتاي ھۆكۈمىتىنىڭ 'تەڭرىتاغ تور بىتى' خىتاي كۆچمەنلىرى يەرلىك دېھقانلارنى قۇل قىلىدىغان بۇنداق ئىگىلىك شەكلىنى 'مىللەتلەر ھەمكارلىقى' دەپ ئاتىغان ۋە بۇنداق شەكىلنى 'يەرلىك دېھقانلارنى باي قىلىدىغان ھەمكارلىق ' دەپ مەدھىيىلەپ، ئۇنى قانات يايدۇرۇشقا چاقىرغان.

بۇنىڭدىن بۇرۇن بۇ ناھىيىدە دېھقانلار كۆكتات تېرىسا، يەرلىك ھۆكۈمەتلەر مەجبۇرىي ھالدا يۇلغۇزىۋەتەتتى. يەرلىك خەلق كۆكتاتنى بىڭتۇەندىن سېتىۋېلىشقا مەجبۇر بولغان ئىدى. (ۋەلى)

پىكىرلەر (0)
Share
تولۇق بەت