Уйғур елидики йүз йилдин буян көйиватқан көмүрлүкниң оти ахири өчти

Уйғур елиниң үрүмчи шәһири әтрапидики йүз йилдин буян көйиватқан люхуаңгу көмүрлүкиниң оти ахири өчти.

Әнглийә б б с радио-телевийә истансисиниң хәвиригә қариғанда, от өчүрүш орунлири өткәнки 4 йилдин буян мәзкүр көмүрлүкниң отини өчүрүш үчүн җәмий 12 милйон америка доллири хәҗлигән.

Йәрлик мутәхәссисләрниң билдүришичә, бу көмүрлүктики от 1874 - йилидин башлап көйиватқан болуп, от улғайған мәзгилдә һәтта йилиға 1милйон 8 йүзмиң тонна көмүр көйүп түгигән.

Шундақла көмүрниң көйиши сәвәбидин һәр йили карбон төт оксид вә карбон чала оксидларни өз ичигә алған 100 миң тонна зәһәрлик газ һаваға қоюп берилидикән. Шуңа бу үрүмчини өз ичигә алған әтраптики районларниң һавасиниң булғинишидики асаслиқ амил һесаблинип кәлгән иди.

Көмүр байлиқиға мол уйғур елиниң көмүр запас миқдари путун хитайниң ٪ 41 ни тәшкил қилидиған болуп, лию хуаңгу көмүрликидин сирт, уйғур елидә мушундақ көйиватқан чоң көмүрлүктин йәнә 7 си бар икән. (Пәридә)