Uyghur élidiki yüz yildin buyan köyiwatqan kömürlükning oti axiri öchti
2004.11.03
Uyghur élining ürümchi shehiri etrapidiki yüz yildin buyan köyiwatqan lyuxu'anggu kömürlükining oti axiri öchti.
En'gliye b b s radi'o-téléwiye istansisining xewirige qarighanda, ot öchürüsh orunliri ötkenki 4 yildin buyan mezkür kömürlükning otini öchürüsh üchün jem'iy 12 milyon amérika dolliri xejligen.
Yerlik mutexessislerning bildürishiche, bu kömürlüktiki ot 1874 - yilidin bashlap köyiwatqan bolup, ot ulghayghan mezgilde hetta yiligha 1milyon 8 yüzming tonna kömür köyüp tügigen.
Shundaqla kömürning köyishi sewebidin her yili karbon töt oksid we karbon chala oksidlarni öz ichige alghan 100 ming tonna zeherlik gaz hawagha qoyup bérilidiken. Shunga bu ürümchini öz ichige alghan etraptiki rayonlarning hawasining bulghinishidiki asasliq amil hésablinip kelgen idi.
Kömür bayliqigha mol Uyghur élining kömür zapas miqdari putun xitayning ٪ 41 ni teshkil qilidighan bolup, liyu xu'anggu kömürlikidin sirt, Uyghur élide mushundaq köyiwatqan chong kömürlüktin yene 7 si bar iken. (Peride)