Людаван көмүр кани тақилиши мумкин


2005-02-03
Share

Үрүмчи шәһириниң шәрқидики лиюдаван көмүр кани һәддидин зиядә қезип коланғанлиқтин, үрүмчи шәһириниң йәр асти қатлимида кәң көләмдә бошлуқ пәйда болуп, үрүмчи шәһириниң бихәтәрликигә еғир тәһдид елип кәлмәктә.

Үрүмчи шәһәрлик дөләт байлиқини башқуруш идарисиниң билдүрүшичә, улар бу сәвәбтин людаван көмүр канини тақаш лайиһисини тәтқиқ қиливатқан болуп, әмма қачан тақайдиғанлиқини техи бекитмигән.

Уларниң көрситишичә, людаван көмүр кани үрүмчи шәһиригә әң йеқин көмүр канларниң бири болғачқа, көмүр қезиш нәтиҗисидә, үрүмчи шәһириниң йәр асти қатлимида кәң даиридә кавак шәкилләнгән. Бәзи җайларда һәтта чөкүш һадисиси көрүлгән. Һазир үрүмчи шәһиридә чөккән йәрниң көлими нәччә он квадират километир келидиған болуп, чөкүш барғансири шәһәр мәркизигә қарап кеңийип, үрүмчи шәһәрлик һөкүмәтниң бинасиға аз қалған.

Буниңдин сирт, көмүр колаш нәтиҗисидә йәр асти қатламлирида бошлуқларниң пәйда болуши , үрүмчиниң йәр асти су мәнбәлири, йәр йепинчилири вә йәр шәклини еғир зиянға учратқан. Людаван көмүр канидин башқа, үрүмчи шәһириниң ғәрбидики ишләпчиқириш қурулуш армийисиниң 101 - полкиниң қармиқидики көмүр канму охшаш мәсилини кәлтүрүп чиқарған.

Хитай даирилири людаван көмүр канини тәдриҗи һалда тақашни оттуриға қойған. Әмма көмүр канда ишләватқан ишчиларни қандақ бир тәрәп қилидиғанлиқини билдүрмигән. Үрүмчи лиюдаван көмүр канида нурғун уйғур көмүр кан ишчилири бар. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт