Sinopec Ниң көзи уйғур аптоном райониниң көмүр байлиқиға тикилди


2006.09.26

Хитай нефит - химийә ширкити дүшәнбә күни 2006 - йилдин 2010 - йилғичә уйғур аптоном районида көмүрдин нефит, химийилик маддилар вә митан ишләпчиқиридиған йеңи түрләрни ачидиғанлиқини елан қилди.

Мәзкур ширкәт бу қарарни чиқириштин бурун уйғур аптоном райониниң шәрқий җуңғар вадисидики көмүр записи үстидә тәкшүрүш елип барған.

Шинхуа ахбарат агентлиқиниң ашкарилишичә, хитай нефит - химийә ширкити уйғур аптоном районини 2006 - йилдин 2010 - йилғичә давамлишидиған 11 - бәш йиллиқ пиландики ширкәтниң хам әшя записи вә ишләпчиқиришини күчәйтидиған истратегийилик муһим җайлар тизимликигә киргүзгән. Шинхуа ахбарат агентлиқи, хитай һөкүмити хитай нефит - химийә ширкити вә җуңго нефит ширкитиниң бу саһәдә чәтәлләр билән шериклишишигә йол қоймақчи болуватқанлиқини билдүрди.

Хитай һөкүмити уйғур аптоном райониниң енергийә записини ечиш район иқтисадиниң тәрәққиятини илгири сүрмәктә,дәп қарисиму, лекин шәрқий түркистан тәшкилатлири бу тәрәққият, муһитни вәйран қилиш, уйғур мәдәнийитини йоқитиш, хитай көчмәнлирини районға җәлп қилиш, йәрликләрни өй - макани вә хизмитидин мәһрум қилиш ролини ойнимақта, дәп әйибләп кәлди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.