Уйғур елиниң көмүри хитайниң җәнуби вә шәрқи қисимлириға йөткүлүлмәктә


2007.01.23
Share on WhatsApp
Share on WhatsApp

23 ‏- январ күни уйғур елидин берилгән хәвәрдин мәлум болушичә, һазир уйғур елидә ишләпчиқирилған көмүр миқтари көпийип, өзини қамдаштин сирт йәнә, хитайниң җәнубий вә шәрқи районлириға йөткүлидикән.

Хитай даирлириниң үрүмчидин бәргән бу хәвиридә көрситилишичә, дөләт тәрәққият вә ислаһат комитети йеқинда "көмүр санаитиниң 11 ‏- қетимлиқ 5 йиллиқ пилани" ни елан қилип, мәзкур пиланда, уйғур елидин башқа йәнә гәнсу, вә чиңхәй өлкисини "көмүр ишләп чиқиришта, өзини өзи тәминлийәләйдиған өлкә " дәп көрсәткән.

Хитай һөкүмити мәзкур пилан бойичә, юқирида дәп өткән бу 3 өлкидә, көмүр ишләп чиқириш иқтидарини йәниму кеңәйтиши керәкликини һәмдә өзини қамдаштин сирт йәнә "шималдики вә ғәрбтики көмүрни җәнуп вә шәрққә йөткәш " керәкликини оттуриға қойған.

Чәтәлдики уйғур зиялйлири "хитай һөкүмити бундин илгири уйғур елиниң нефит вә гезини хитай өлкилиригә йөткәшкә башлиған, һазир улар уйғур елиниң көмүрини йөткәшкә башлиди, бу хитай һөкүмитиниң уйғур елидики йәр- асти байлиқини пиланлиқ һалда булаң -талаң қиливатқанлиқини көрстип бериду" дәп билдүрмәктә. (Меһрибан)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.