Uyghur élining kömüri xitayning jenubi we sherqi qisimlirigha yötkülülmekte


2007.01.23

23 ‏- Yanwar küni Uyghur élidin bérilgen xewerdin melum bolushiche, hazir Uyghur élide ishlepchiqirilghan kömür miqtari köpiyip, özini qamdashtin sirt yene, xitayning jenubiy we sherqi rayonlirigha yötkülidiken.

Xitay da'irlirining ürümchidin bergen bu xewiride körsitilishiche, dölet tereqqiyat we islahat komitéti yéqinda "kömür sana'itining 11 ‏- qétimliq 5 yilliq pilani" ni élan qilip, mezkur pilanda, Uyghur élidin bashqa yene gensu, we chingxey ölkisini "kömür ishlep chiqirishta, özini özi teminliyeleydighan ölke " dep körsetken.

Xitay hökümiti mezkur pilan boyiche, yuqirida dep ötken bu 3 ölkide, kömür ishlep chiqirish iqtidarini yenimu kéngeytishi kéreklikini hemde özini qamdashtin sirt yene "shimaldiki we gherbtiki kömürni jenup we sherqqe yötkesh " kéreklikini otturigha qoyghan.

Chet'eldiki Uyghur ziyalyliri "xitay hökümiti bundin ilgiri Uyghur élining néfit we gézini xitay ölkilirige yötkeshke bashlighan, hazir ular Uyghur élining kömürini yötkeshke bashlidi, bu xitay hökümitining Uyghur élidiki yer- asti bayliqini pilanliq halda bulang -talang qiliwatqanliqini körstip béridu" dep bildürmekte. (Méhriban)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.