Shendung gi'ologiyilik ölchesh idarisi Uyghur élide yene bir chong kömürlük tapti


2006-06-28
Share

Yéqinda shendung ölkisining gi'ologiyilik ölchesh idarisi Uyghur élining sanji oblastida yene bir chong kömürlükni tapqan. Mölcherlinishiche, bu kömürlükning zapas miqdari 6 milyard tonnidin ashidiken. Bu shendung kan bayliqlirini qézish orunlirining Uyghur élide bayqighan 2‏- chong kömürlüki bolup hésablinidu.

Xitay xewer agéntliqining xewer qilishiche, bu kömürlükning zapas miqdari xitayning 2005‏- yilidiki omumiy kömür mehsulat miqdarining 3 hessisige toghra kélidiken. Ötken yili shendung kan bayliqi nazariti Uyghur élide 1 milyard 390 milyon tonna zapas miqdarigha ige chong kömürlük bayqighan idi. Yéqinqi yillardin buyan , Uyghur ilidiki xitay partkomining sékritari wang léchu'enning yurti bolghan shendungning gi'ologiye orunliri Uyghur élide yer bayliqlirini qézish ishlirigha köp qatniship kelgen bolup, buningdin sirt hazirmu shendungdiki nurghun karxanilarning Uyghur élide kan qézish arzusi bar iken.

Xitay kömür teminatigha jiddiy éhtiyajliq chong döletlerning biri. Emma xitayning kömör kan ishlepchiqirish bixeterlik ehwali, xelq'ara jama'et endishe qilidighan bir ehwal. Chünki xitayda her yili kan hadisisi sewebidin ölüdighan ishchilarning sani dunya boyiche birinchi orunda turup kelgen. Téxi charshenbe künila shenshidiki bir kömür kanda partlash yüz bérip, 56 ishchi ölgen.

Buningdin sirt, Uyghur élining fukang shehiride ötken yili yüz bergen we 83 kishining ölüshini keltürüp chiqarghan kan hadisisige chétishliq 6 neper mes'ul xadim üstidin charshenbe küni sot échilip, ulargha 3 yildin 6 yilghiche qamaq jazasi bérildi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet