Хитай һөкүмити уйғур елидә зор көләмлик көмүр кан қурулушини башлиди


2007-04-30
Share

Енергийә торида 30- април берилгән учурлардин ашкарлинишичә, хитай һөкүмити уйғур елидә шинвен канчилиқ гуруһиниң мәбләғ селиши билән йилиға 10 милйон тонна көмүр ишләпчиқириш иқтидариға игә көмүр кан қурулушини башлиған. Мәзкур көмүр кан қурулуши шу җай вақти йәкшәнбә күни, 2007 - йили 29-април, башланған.

Шинвен канчилиқ гуруһи 336 милйон доллар мәбләғ салған бу қурулуш түри или вадисиға җайлашқан болуп, уйғур елидики әң чоң көмүр кан қурулуши икән.

Учурдин мәлум болушичә, шинвен канчилиқ гуруһи или вадисида метанол (яғач испирти) вә олефин қатарлиқ мәһсулатларни пишшиқлап ишләш үчүн, йилиға 30 милйон тонна көмүрни бир тәрәп қилиш иқтидариға игә әслиһәлиригиму мәбләғ селишни пиланлиған.

Уйғур елидә һазирғичә 138 хил минерал маддилар, 1059 орунда мәдән маддилар записи байқалған. Буниң ичидики 9 орун хитай буйичә 2- орунда, 50 орун 10- орунда туриду. Шинхуа ахбарат агентлиқи елан қилған мәлуматларға асасланғанда, уйғур елидә 730 милйон тонна төмүр рудиси, 2.19 Тирилйон тонна көмүр записи бар болуп хитай омумий көмүр записиниң 40 пирсәнтини игиләйдикән.

Униңдин башқа, уйғур елиниң омумий нефит вә тәбий газ записи хитай омумий нефит вә тәбий записиниң 4 дән бир қисимини игиләйду. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт