Xitay hökümiti Uyghur élide zor kölemlik kömür kan qurulushini bashlidi


2007-04-30
Share

Énérgiye torida 30- april bérilgen uchurlardin ashkarlinishiche, xitay hökümiti Uyghur élide shinwén kanchiliq guruhining meblegh sélishi bilen yiligha 10 milyon tonna kömür ishlepchiqirish iqtidarigha ige kömür kan qurulushini bashlighan. Mezkur kömür kan qurulushi shu jay waqti yekshenbe küni, 2007 - yili 29-april, bashlan'ghan.

Shinwén kanchiliq guruhi 336 milyon dollar meblegh salghan bu qurulush türi ili wadisigha jaylashqan bolup, Uyghur élidiki eng chong kömür kan qurulushi iken.

Uchurdin melum bolushiche, shinwén kanchiliq guruhi ili wadisida métanol (yaghach ispirti) we oléfin qatarliq mehsulatlarni pishshiqlap ishlesh üchün, yiligha 30 milyon tonna kömürni bir terep qilish iqtidarigha ige eslihelirigimu meblegh sélishni pilanlighan.

Uyghur élide hazirghiche 138 xil minéral maddilar, 1059 orunda meden maddilar zapisi bayqalghan. Buning ichidiki 9 orun xitay buyiche 2- orunda, 50 orun 10- orunda turidu. Shinxu'a axbarat agéntliqi élan qilghan melumatlargha asaslan'ghanda, Uyghur élide 730 milyon tonna tömür rudisi, 2.19 Tirilyon tonna kömür zapisi bar bolup xitay omumiy kömür zapisining 40 pirsentini igileydiken.

Uningdin bashqa, Uyghur élining omumiy néfit we tebiy gaz zapisi xitay omumiy néfit we tebiy zapisining 4 den bir qisimini igileydu. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet