Бүгүр наһийисидә кан районида йүз бәргән апәттә 11 киши из - дерәксиз йоқап кәткән


2007-07-19
Share

Хитай ахбарат вастилири аптоном районлуқ көмүр кан ‏- геологийә идариси хадиминиң сөзини нәқил кәлтүрүп, 18 ‏- июл күни чүштин кейин саәт 4 әтрапида, уйғур елиниң байинғулин аптоном области бүгүр наһийисидики көмүр кан районида йүз бәргән кәлкүн апитидә, көмүр кан ‏- геологийә идарисиниң 161 ‏- әтрити 204 ‏- бурғилаш гурупписиниң 11 нәпәр ишчисиниң йоқап кәткәнликини елан қилди.

Кәлкүндин қутулуп чиққан геологийә идарисиниң хадимлири, кәлкүн йүз бәргән чағда 19 кишиниң иш үстидә икәнликини, уларниң ичидики 8 хадимниң дөңлүккә чиқивелип, кәлкүндин мудапиәләнгәнликини, қалған 11 кишиниң болса һазирға қәдәр из - дерәксиз йоқап кәткәнликини билдүрди.

Қутқузуш хадимлири йоқап кәткәнләрниң қол телефониға телефун уруш арқилиқ " чарлаш " елип барған болсиму, кәлкүн йүз бәргән тағлиқ районда сигнал болмиғанлиқи үчүн, йоқап кәткүчиләр билән алақә қилиш қийинға тохтимақта икән.

Уйғур елиниң бир қисим җайлирида йүз бәргән кәлкүн апити, бүгүнгә қәдәр бир адәмниң өлүмигә 19 адәмниң йоқап кетишигә йол ачти. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт