Bügür nahiyiside kan rayonida yüz bergen apette 11 kishi iz - déreksiz yoqap ketken


2007-07-19
Share

Xitay axbarat wastiliri aptonom rayonluq kömür kan ‏- gé'ologiye idarisi xadimining sözini neqil keltürüp, 18 ‏- iyul küni chüshtin kéyin sa'et 4 etrapida, Uyghur élining bayin'ghulin aptonom oblasti bügür nahiyisidiki kömür kan rayonida yüz bergen kelkün apitide, kömür kan ‏- gé'ologiye idarisining 161 ‏- etriti 204 ‏- burghilash guruppisining 11 neper ishchisining yoqap ketkenlikini élan qildi.

Kelkündin qutulup chiqqan gé'ologiye idarisining xadimliri, kelkün yüz bergen chaghda 19 kishining ish üstide ikenlikini, ularning ichidiki 8 xadimning dönglükke chiqiwélip, kelkündin mudapi'elen'genlikini, qalghan 11 kishining bolsa hazirgha qeder iz - déreksiz yoqap ketkenlikini bildürdi.

Qutquzush xadimliri yoqap ketkenlerning qol téléfonigha téléfun urush arqiliq " charlash " élip barghan bolsimu, kelkün yüz bergen taghliq rayonda signal bolmighanliqi üchün, yoqap ketküchiler bilen alaqe qilish qiyin'gha toxtimaqta iken.

Uyghur élining bir qisim jaylirida yüz bergen kelkün apiti, bügün'ge qeder bir ademning ölümige 19 ademning yoqap kétishige yol achti. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet