Шәрқий җуңғарда пәвқуладдә йеңи енергийә райони байқалди


2007-11-29
Share

Уйғур елиниң җуңғар районида пәвқуладдә йеңи енергийә райони байқалғандин кейин, хитай өлкилиридики" хуадийән", " датаң", " хуанең" қатарлиқ 6чоң електир енергийә шуниңдәк көмүр ширкәтлири мәзкүр районға маканлишип, қезип йөткәш ишлирини башливәтти.

Хитай ахбарат вастилири, аптоном районлуқ земин - байлиқ назаритиниң сиясий секритари тйән җйәнруңниң сөзини нәқил кәлтүрүш билән биргә униң хошаллиқини басалмай қақақлап күлүп кәткәнликини тәсвирләп мундақ дәйду" : бу дәшт - баяванниң астида чәксиз қара алтун ятиду, пат арида көмүр ‏- електир, көмүр - химийә санаити бәлвеғи бу земинда барлиққа келиду, елимиз җоңгуниң йәнә бир пәвқуладдә чоң йеңи енергийә райони бу йәрдә қәд көтүриду."

Санҗиниң шәрқигә, җуңғар ойманлиқиниң шәрқий четигә җайлашқан он нәччә миң квадрат километир келидиған бу чөл ‏- җәзириниң көп қисми илгири ечилмиған йәрләр болуп, шәрқтин ғәрибкә созулған 200 километирчә келидиған бу бәлвеғида көмүр записи 390 милярд тонниға йетидикән.

Уйғур или йәр асти енергийә байлиқи билән хитайниң ичи вә сиртида мәшһур, әмма хитай даирилирини" уйғурларни иқтисадий вә сиясий җәһәттә талан - тараҗ қиливатиду " дәп әйибләватқан чәтәлләрдики уйғур сиясий тәшкилатлири уйғур илидики байлиқлардин бу земинниң һәқиқий игиси болған уйғурларниң бәһримән болалмай, дунядики әң намрат хәлқләрдин бири болуп яшаватқанлиқини илгири сүрмәктә. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт