Sherqiy junggharda pewqul'adde yéngi énérgiye rayoni bayqaldi

Uyghur élining jungghar rayonida pewqul'adde yéngi énérgiye rayoni bayqalghandin kéyin, xitay ölkiliridiki" xu'adiyen", " datang", " xu'anéng" qatarliq 6chong éléktir énérgiye shuningdek kömür shirketliri mezkür rayon'gha makanliship, qézip yötkesh ishlirini bashliwetti.

Xitay axbarat wastiliri, aptonom rayonluq zémin - bayliq nazaritining siyasiy sékritari tyen jyenrungning sözini neqil keltürüsh bilen birge uning xoshalliqini basalmay qaqaqlap külüp ketkenlikini teswirlep mundaq deydu" : bu desht - bayawanning astida cheksiz qara altun yatidu, pat arida kömür ‏- éléktir, kömür - ximiye sana'iti belwéghi bu zéminda barliqqa kélidu, élimiz jongguning yene bir pewqul'adde chong yéngi énérgiye rayoni bu yerde qed kötüridu."

Sanjining sherqige, jungghar oymanliqining sherqiy chétige jaylashqan on nechche ming kwadrat kilométir kélidighan bu chöl ‏- jezirining köp qismi ilgiri échilmighan yerler bolup, sherqtin gheribke sozulghan 200 kilométirche kélidighan bu belwéghida kömür zapisi 390 milyard tonnigha yétidiken.

Uyghur ili yer asti énérgiye bayliqi bilen xitayning ichi we sirtida meshhur, emma xitay da'irilirini" Uyghurlarni iqtisadiy we siyasiy jehette talan - taraj qiliwatidu " dep eyiblewatqan chet'ellerdiki Uyghur siyasiy teshkilatliri Uyghur ilidiki bayliqlardin bu zéminning heqiqiy igisi bolghan Uyghurlarning behrimen bolalmay, dunyadiki eng namrat xelqlerdin biri bolup yashawatqanliqini ilgiri sürmekte. (Eqide)