Kömür kanlarni heddin ziyade qézish sewebidin ürümchi shehirining yer asti qatlimi chökmekte

Ürümchi shehirining etrapidiki kömür kanlarni keng kölemde qézish netijiside yer qatlimida peyda bolghan boshluq, ürümchi shehirige tehdit élip kelmekte.

Xitayning shinxu'a torining peyshenbe küni bergen melumatlirigha qarighanda,nechche on yildin boyan ürümchining yer astidiki kömür bayliqi heddidin ziyade qézilghanliqtin, nöwette ürümchining yer asti qatlimida keng da'iride boshluq peyda bolghan.

Bezi jaylarda hetta chöküsh hadisiliri körülgen . Ürümchi sheherlik xelq hökümitining yéngi salghan binasigha 700 métirche kélidighan jayda yer chöküp, bir chong orek peyda bolghan. Nöwette kömür kolash sewebidin kélip chiqqan yer qatlimining chöküshi barghanséri ürümchi sheher merkizige qarap kéngiyiwatmaqta iken.

Buningdin sirt, kömür kanlarni heddidin ziyade échish netijiside ürümchining yer asti süyimu zor tesirge uchrighan. Xitay da'iriliri ilgirimu ürümchining yer astidiki boshluqning kéngiyiwatqanliqini bildürgen bolsimu biraq buni kontrol qilidighan ünümlük tedbir qollanmighan.(Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.