Fukangdiki shénlong kömürkénining arqa körünishi ashkarilandi


2005.07.29
Share on WhatsApp
Share on WhatsApp

7 - Ayning 11 - küni kömür kan astida gaz partlap, 83 neper ishchining ölüshini keltürüp chiqarghan Uyghur aptonom rayonining fukang nahiyisidiki shénlong kömür kénining pay chiki, qumul kömürchilik guruhidiki xizmetchi xadimlarning ilkide ikenliki pash boldi. Qumul kömürchilik guruhi Uyghur aptonom rayonida dölet igilikidiki eng chong kömürchilik shirketlirining biri.

Shinxu'a axbarat agéntliqining xewer qilishiche, weqe yüz bergen kanning pay chéki, qumul kömürchilik guruhining bash mudiri shundaqla mezkur shirkettiki 100 artuq xizmetchi xadimning ilkide bolup, ular 2001 - yili 9 - ayda fukangdiki jyapigo kömür kénini sétiwalghandin kéyin, mezkur kanning nami shénlong kömür kan cheklik hessidarliq shirkiti, dep özgertilgen.

Shinxu'a axbarat agéntliqining ashkarilishiche, paychiklar, jyapigo kömürkénini sétiwélish üchün fukang nahiyisidiki da'irilerge arqa ishik qilghan. Shirket 2001 - yili 11 - ayda tizimgha élin'ghan bolup, qumul kömürchilik guruhining mu'awin mudiri chén bawsi shirketning qanuni igilirining biri iken. Jyapigo kömür kéni yilda 30 mil tona kömür ishlepchiqiralaytti.

Weqedin kéyin da'iriler shirketning mes'ullirini qolgha aldi. Fukangdiki kömür kanda yüz bergen qaza, Uyghur aptonom rayoni tarixidiki zor kömürkan weqelirining biri bolup hésablinidu. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.