Уйғур елидә 68 милярд тоннилиқ чоң көмүрлүк байқалди


2006-04-19
Share

Йеқинда уйғур елидики җуңғар ойманлиқиниң шәрқиға җайлашқан көмүрлүктә 68 милярд 500 милйон тоннилиқ көмүр байлиқи байқалди. Хитай мутәхәссислири буниң хитай бойичә әң чоң көмүрлүккә айлинидиғанлиқини билдүрди.

Хитай хәвәр ториниң мәлуматиға қариғанда, уйғур аптоном районлуқ геологийилик кан мәһсулатлирини қезип ечиш идариси бу йәрдә байқалған көмүр байлиқи 68 йерим милярд тонна болғанлиқини, шундақла уларниң бу йәрдики көмүр байлиқи записини 390 милярд тонниға йетиши мумкин дәп пәрәз қилидиғанлиқини ейтти. Уларниң тонуштурушичә, бу көмүрлүк кәлгүсидә ички моңғулдики ердос көмүрликидинму ешип, хитай бойичә әң чоң көмүрлүк болупла қалмай, дуня миқясидиму аз учрайдиған чоң көмүрлүк һесаблинидикән.

Бу көмүрлүк уйғур елидики санҗи туңган аптоном областиниң җимсар вәгучуң наһийиси һәмдә мори қазақ аптоном наһийиси тәвәликигә җайлашқан. Шундақла көмүр қатлими көп қатламлиқ болуп, қурулуши адди вә ечишқа әплик икән. Һазир бу көмүрлүк хитайдики чоң гуруһларни өзигә күчлүк җәлп қилған болуп, шәндуң лунең тәрәққият гуруһи, шенхуа гуруһи, шәндоң йүнкуаң гуруһи вә далйән шиде гуруһи қатарлиқ 12 чоң ширкәт бу көмүрлүккә мәбләғ селишқа алдириған.

Хитайниң ғәрбни ечиш сияситиниң муһим түрлиридин бири уйғур елидики һәр хил кан байлиқлирини зор күч билән ечиш болуп, хитай һөкүмити уйғур елидики байлиқ ечиш қәдимини алаһидә тезләтмәктә. Әмма байлиқларниң игиси болған йәрлик хәлқләр болса бир тәрәптин, екологийилик муһитниң бу ечишниң қурбаниға айлинип кетиштин әндишә қилса, йәнә бир тәрәптин бу йәрдики байлиқлардин сирттин киргән хитайларниңла пайда елип еливатқанлиқини көрсәтмәктә. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт