Уйғур аптоном райониниң фукаң наһийисидә йәкшәнбә күни чүштин кейин бир көмүр канниң торуси гүмүрүлүп чүшүп, кан астида мәшғулат елип бериватқан 14 ишчиниң 13 нәпири өлди, бир киши еғир дәриҗидә яриланди.
Қутқузуш хадимлири дүшәнбә күни чүштин кейин, вәқәдә өлгән ишчилардин ахирқи 3 кишиниң җәситини тепип чиққан. Шинхуа ахбарат агентлиқиниң уйғур аптоном районлуқ көмүр кан идарисидики ву җячун исимлик бир әмәлдарниң сөзини нәқил кәлтүрүшичә, фукаңдики гуаңйүән көмүр кенида йүз бәргән қазада кан қудуқиниң торуси гөмүрүлүп чүшкәндин кейин, 13 кан ишчисиниң һәммиси көмүр гезида зәһәрлинип өлгән. Вәқә йөз бәргән көмүр кан хитай көчмәнлири тәрипидин ечилған хусусилар игидарчилиқидики кан болуп, вәқәдин кейин көмүр кан хоҗайини қолға елинған.
Хитайда көмүрчилик санаити көмүр канлирини су бесип кетидиған, кан қудуқлири гөмүрүлүп чүшүдиған, газ партлап кетидиған вәқәләр дуня бойичә әң хәтәрлик саһә болуп, җуңго даирилириниң статистика қилишичә 2005 - йили мәмликәт бойичә 6 миң адәм көмүр кан қазалирида өлгән. Лекин ишчилар һоқуқини қоғдаш органлири вә хоңкоңдики җуңго әмгәк мунбири тәшкилати, әмәлийәттә хитай бойичә йилда 20 миң адәмниң көмүркан вәқәлиридә өлидиғанлиқини билдүрмәктә. (Әркин)
Мунасивәтлик мақалилар
- Истанбулда уйғур яшлири үчүн тәнтәрбийә-чениқиш кулуби ечилди
- Нурсимангүл абдурешит: "ташқий дуня уйғурлар тоғрилиқ талаш-тартиш қиливатқан минутларда бизниң йилтизимиз қирқилмақта"
- Түркийәниң измир көчмәнләр мәркизидә ғайиб болған уйғур аялиниң ақивити әндишә қозғимақта
- "уйғур сот коллегийәси" ниң 2-қетимлиқ гуваһлиқ аңлаш йиғини дуняниң диққитини уйғурларға қаратти
- Қәшқәр 2-дохтурханиниң дохтури, врач сайитаҗи қасимниң 25 йиллиқ кесиветилгәнлики ашкариланди
