Fukangda 13 adem kömür kan gümürülüp chüshüsh sewebidin öldi


2006-08-14
Share

Uyghur aptonom rayonining fukang nahiyiside yekshenbe küni chüshtin kéyin bir kömür kanning torusi gümürülüp chüshüp, kan astida meshghulat élip bériwatqan 14 ishchining 13 nepiri öldi, bir kishi éghir derijide yarilandi.

Qutquzush xadimliri düshenbe küni chüshtin kéyin, weqede ölgen ishchilardin axirqi 3 kishining jesitini tépip chiqqan. Shinxu'a axbarat agéntliqining Uyghur aptonom rayonluq kömür kan idarisidiki wu jyachun isimlik bir emeldarning sözini neqil keltürüshiche, fukangdiki gu'angyüen kömür kénida yüz bergen qazada kan quduqining torusi gömürülüp chüshkendin kéyin, 13 kan ishchisining hemmisi kömür gézida zeherlinip ölgen. Weqe yöz bergen kömür kan xitay köchmenliri teripidin échilghan xususilar igidarchiliqidiki kan bolup, weqedin kéyin kömür kan xojayini qolgha élin'ghan.

Xitayda kömürchilik sana'iti kömür kanlirini su bésip kétidighan, kan quduqliri gömürülüp chüshüdighan, gaz partlap kétidighan weqeler dunya boyiche eng xeterlik sahe bolup, junggo da'irilirining statistika qilishiche 2005 - yili memliket boyiche 6 ming adem kömür kan qazalirida ölgen. Lékin ishchilar hoquqini qoghdash organliri we xongkongdiki junggo emgek munbiri teshkilati, emeliyette xitay boyiche yilda 20 ming ademning kömürkan weqeliride ölidighanliqini bildürmekte. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet