Корла шәһири муқимлиқни күчәйтиш һәққидә орунлаштуруш елип барди


2004-09-30
Share

Дуня уйғур қурултийи ахбарат бөлиминиң пәйшәнбә күни хәвәр қилишичә, корла шәһәрлик партком 28 - сентәбир күни җиддий йиғин чақирип, хитайниң дөләт байрими мәзгилидики муқимлиқни күчәйтиш хизмити һәққидә орунлаштуруш елип барған.

Дуня уйғур қурултийи баянатчиси дилшад ришитниң билдүрүшичә, йиғинға корла шәһиригә қарашлиқ йеза - базарлардики һөкүмәт тармақлиридин кәлгән 400 артуқ адәм қатнашқан . Шәһәрлик партком секретари җаң җийәншин һәр қайси дәриҗилик һөкүмәт, партком орунлиридики әмәлдарларниң байрам мәзгилидә сиясий һошярлиқини өстүришини тәләп қилған.

Дилшад ришитниң билдүрүшичә, йиғинда йәнә, корла шәһәрлик парткомниң муавин секретари гуң җүн хитайниң дөләт байрими мәзгилидики муқимлиқни қоғдаш хизмитиниң муһим нуқтисиниң аталмиш үч хил күчләрниң баш көтүришиниң алдини елиш вә диний ишларға болған башқурушни күчәйтиш икәнликини алаһидә тәкитлигән.

Дуня уйғур қурултийиниң баянатчиси дилшад решит, хитай һөкүмитиниң һәр йили бирәр чоң байрам яки йиғин мәзгилидә уйғур елидә муқимлиқни қоғдаш намида вәзийәтни җиддиләштүридиғанлиқини, буниң хитай һөкүмити билән уйғур елидики йәрлик хәлқ арисида еғир сиясий ихтилапниң мәвҗутлиқидин дерәк беридиғанлиқини билдүрди. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт