Korla shehiri muqimliqni kücheytish heqqide orunlashturush élip bardi


2004-09-30
Share

Dunya Uyghur qurultiyi axbarat bölimining peyshenbe küni xewer qilishiche, korla sheherlik partkom 28 - séntebir küni jiddiy yighin chaqirip, xitayning dölet bayrimi mezgilidiki muqimliqni kücheytish xizmiti heqqide orunlashturush élip barghan.

Dunya Uyghur qurultiyi bayanatchisi dilshad rishitning bildürüshiche, yighin'gha korla shehirige qarashliq yéza - bazarlardiki hökümet tarmaqliridin kelgen 400 artuq adem qatnashqan . Sheherlik partkom sékrétari jang jiyenshin her qaysi derijilik hökümet, partkom orunliridiki emeldarlarning bayram mezgilide siyasiy hoshyarliqini östürishini telep qilghan.

Dilshad rishitning bildürüshiche, yighinda yene, korla sheherlik partkomning mu'awin sékrétari gung jün xitayning dölet bayrimi mezgilidiki muqimliqni qoghdash xizmitining muhim nuqtisining atalmish üch xil küchlerning bash kötürishining aldini élish we diniy ishlargha bolghan bashqurushni kücheytish ikenlikini alahide tekitligen.

Dunya Uyghur qurultiyining bayanatchisi dilshad réshit, xitay hökümitining her yili birer chong bayram yaki yighin mezgilide Uyghur élide muqimliqni qoghdash namida weziyetni jiddileshtüridighanliqini, buning xitay hökümiti bilen Uyghur élidiki yerlik xelq arisida éghir siyasiy ixtilapning mewjutliqidin dérek béridighanliqini bildürdi. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet