Крорән харабилиқи 20 йилда йоқилиши болуши мумкин


2006-11-10
Share

Хитай иҗтимаий пәнләр акадимийисиниң тәтқиқатчиси яң лйән хитай "биринчи малийә - иқтисад гезити" дә мақалә елан қилип, мушу пети кетивәрсә, крорән харабилиқи 20 йилдин кейин пүтүнләй йоқилидиғанлиқини агаһландурди. У, крорән харабилиқиниң вәйран болушида муһитниң яманлишишидин сирт, саяһәтчиләрниң бузғунчилиқи әҗәллик рол ойнимақта, деди. Униң әскәртишичә, лопнур районини саяһәт қиливатқан зиярәтчиләр мәдәний ядикарлиқларни асримайла қалмай, бәлки бузғунчилиқ қилмақта.

яң лйән мақалисидә даириләрни "талан - тараҗ характерлик ечиштин сақлинишқа"чақирди. У, "шинҗаңниң екиологийилик муһити наһайити аҗиз. Чекидин ешип кәтсә, әслигә кәлтүргили болмайду " дәп тәкитлигән. яң лйән," мушу пети кетивәрсә, 20 йилдин кейин яшлар крорән харабилиқини мәңгү көрәлмәслики мумкин" дәйду.

Мутәхәссисләр бурун уйғур аптоном райони даирилириниң хитай саяһәтчилирини районға җәлп қилиш сияситини әйибләп, бу мәдәний ядикарлиқларни вәйран қиливетиши мумкин,чүнки районда саяһәтчилик асасий әслиһәси йитәрлик әмәс, дәп агаһландурған. яң лйәнниң әскәртишичә, лобнур районида нурғун қәдимий излар тез сүрәттә йоқалмақта.

Мутәхәссисләр мәдәний ядикарлиқларни қоғдаш тоғрисида агаһландурған болсиму, лекин уйғур аптоном райони парткоминиң секритари ваң лечүән йеқинда чәтәллик мухбирларға " һазирқи асасий вәзипимиз уйғурларниң мәдәнийитини қоғдаш әмәс, хәлқниң турмуш сәвийисини үстүрүш" дәп көрсәтти. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт