Kroren xarabiliqi 20 yilda yoqilishi bolushi mumkin


2006-11-10
Share

Xitay ijtima'iy penler akadimiyisining tetqiqatchisi yang lyen xitay "birinchi maliye - iqtisad géziti" de maqale élan qilip, mushu péti kétiwerse, kroren xarabiliqi 20 yildin kéyin pütünley yoqilidighanliqini agahlandurdi. U, kroren xarabiliqining weyran bolushida muhitning yamanlishishidin sirt, sayahetchilerning buzghunchiliqi ejellik rol oynimaqta, dédi. Uning eskertishiche, lopnur rayonini sayahet qiliwatqan ziyaretchiler medeniy yadikarliqlarni asrimayla qalmay, belki buzghunchiliq qilmaqta.

Yang lyen maqaliside da'irilerni "talan - taraj xaraktérlik échishtin saqlinishqa"chaqirdi. U, "shinjangning éki'ologiyilik muhiti nahayiti ajiz. Chékidin éship ketse, eslige keltürgili bolmaydu " dep tekitligen. Yang lyen," mushu péti kétiwerse, 20 yildin kéyin yashlar kroren xarabiliqini menggü körelmesliki mumkin" deydu.

Mutexessisler burun Uyghur aptonom rayoni da'irilirining xitay sayahetchilirini rayon'gha jelp qilish siyasitini eyiblep, bu medeniy yadikarliqlarni weyran qiliwétishi mumkin,chünki rayonda sayahetchilik asasiy eslihesi yiterlik emes, dep agahlandurghan. Yang lyenning eskertishiche, lobnur rayonida nurghun qedimiy izlar téz sür'ette yoqalmaqta.

Mutexessisler medeniy yadikarliqlarni qoghdash toghrisida agahlandurghan bolsimu, lékin Uyghur aptonom rayoni partkomining sékritari wang léchüen yéqinda chet'ellik muxbirlargha " hazirqi asasiy wezipimiz Uyghurlarning medeniyitini qoghdash emes, xelqning turmush sewiyisini üstürüsh" dep körsetti. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet