Kuchardiki meshhur islam ölimasi sidiq qari hajim wapat boldi


2007-08-10
Share

Uyghur aptonom rayonining kuchar nahiyisidiki meshhur islam ölimasi, mudderis we jama'et erbabi sidiq qari hajim, jüme küni yurtida wapat bolghan. Xewerlerge qarighanda sidiq qari hajim, jüme küni chüshtin kéyin péshin bilen esir ariliqida wapat bolghan bolup, jinaza namizi shenbe küni etigende chüshürülmekchi iken.

Rayondiki tor betlerde chiqqan bu heqtiki xewerlerde merhumning wapat bolush sewebi tilgha élinmighan bolsimu, lékin merhumni yéqindin tonuydighan zatlar, sidiq qari hajimning 90 yashlargha yéqinliship qalghanliqini bildürmekte. Sidiq qari hajimning shöhriti uning fiqhiy ilimidiki kamilliqi bilenla emes, diniy mektep échip taliplarni terbiyilesh, xitay da'irilirining diniy siyasitige qarshi öktichiliki we u yétishtürgen taliplarning isyankarliqi bilen meshhurdur.

U kucharning saqsax dégen jayida bir meschitke imametchilik qilish jeryanida bir medris achqan we shu yerde xitay hökümiti bu medrisni taqiwetkichilik mudderislik qilip, nurghun taliplarni terbiyiligen idi. U terbiyiligen taliplar ichidiki himid talipni xitay hökümiti 1994 -yili ürümchide xélil altun we memet yunuslar qatarida ölüm jazasi bérip étip tashlighan.

Kucharning 4 - rayon qonas kentlik hesen qari, sidiq qari hajining barén inqilabidin kéyin qolgha élin'ghan talipliridin biri bolup, u türmide xitay saqchilar teripidin qéyin qistaqta öltürülgen. Sidiq qari hajining wapati, kuchar nahiyisidiki déhqanlarning qizlirini ichkiri ölkige ewetishke narazi bolup, nahiyilik hökümetke eriz qilip barghan we bu weqe xitayni alaqzade qiliwetken mezgilge toghra keldi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet