Xitay Uyghur aptonom rayonining qurulghanliq xatire küni munasiwiti bilen kontrolluqini kücheytti


2005-08-07
Share

Xitayning döletlik axbarat orgini hésablan'ghan shinxu'a agéntliqining uchurigha qarighanda, Uyghur aptonom rayoni qurulghanliqining 50 yilliqini xatirilesh munasiwiti ötküzülidighan chong murasim pa'aliyiti jeryanidiki bixeterlikni kapaletke ige qilish üchün omumiy yüzlük qoghdash xizmitini élip bérilidiken.

50 Yilliqni xatirileshning siyasiy we ijtima'iy ehmiyetke ige ikenlikini tekitligen ürümchi sheherlik jama'et xewpsizlik idarisining bir mu'awin bashliqi murasim pa'aliyiti jeryanida pütün Uyghur éli boyiche bixeterlikini qoghdashqa teyyarliq qilin'ghanliqini bildürgen.

Xewerde körsitilishiche, ürümchi sheherlik jama'et xewpsizlik idarisi mexsus murasimni qoghdash ishxanisi tesis qilghan. 8-Awghusttin étibaren 1500 neper qoralliq saqchi we jama'et xewpsizlik xadimi ürümchi shehrining her qaysi nuqtiliq jayliri, jama'et sorunliri we ademler üstidin tekshürüsh hem nazaret qilish élip baridiken. Mingdin artuq birleshme mudapi'elinish xadimi ahalilar rayonlirigha bérip, qoghdash bilen shughullinidiken shuningdek yene murasim jeryanida 24 sa'et qoralliq charlash élip bérilidiken.

Shinxu'aning xewiride charlashning biwaste obyékti éniq éytilmighan bolsimu, emma Uyghur közetküchilirining bildürüshiche, xitay da'irilirining bu xil kontrolluqni we nazaretni kücheytishi biwaste Uyghurlargha qaritilghan bolup, buningdin ilgirimu ürümchi qatarliq jaylardiki asasliq Uyghurlar toplashqan jaylar tekshürüsh we nazaret obyékti qilinip, sella gumanliq dep qaralghan Uyghurlar tutqun qilin'ghan.

Téxi yéqindila ürümchi shehiridiki rabiye qadir soda sariyigha yéqinla jayda 6 neper xotenlik Uyghur yash saqchilar teripidin "qanunsiz diniy unsur" dégen guman bilen qolgha élin'ghan. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet