Jang shyuming ma'arip sépidiki üch xil küchlerge qarshi küresh heqqide toxtaldi


2004-10-24
Share

Uyghur aptonom rayonining mu'awin sékritari jang shyuming, ma'arip sahesi béyjing da'iriliri teripidin üch xil küchler dep atalghan musteqilliq idiyisidiki Uyghurlar bilen xitay hökümiti otturisidiki asasliq küresh meydani dep körsetti. " Ma'arip séstimisi üch xil küchlerning singip kirishtiki asasliq nishani" dep tekitligen jang shyuming mundaq deydu : " memliket ichi we sirtidiki düshmen küchlerning gherpleshtürüsh, parchilash we jonggoni ajizlashturush niyiti bir minutmu toxtap qalmidi, bölgünchilikke qarshi küresh yenila intayin keskin. " Jang shyuming bu sözlerni aldinqi küni aptonom rayon boyiche ma'arip idare bashliqlirini we partiye sékritarlirini terbiyilesh kursining oqughuchilirigha bergen doklatida tekitligen.

"Ma'arip séstimisi düshmen küchler bilen küresh qilidighan asasliq sehne " dep körsetken jangshyuming, ma'arip sépidiki düshmen küchlerning kimler ikenlikini tilgha almighan. U yene ma'arip sépini bölgünchilikke, qanunsiz diniy pa'aliyetlerge qarshi mustehkem qorghan qilip qurup chiqish yolida mekteplerdiki siyasiy id'ilogiye xizmitini ching tutush kirek dep tekitligen. Xitay hökümiti Uyghur aptonom rayonining jenubidiki ottura - bashlan'ghuch mektep oqughuchilirini shenbe, yekshenbe we hepte arisidiki derstin srtqi waqitlarda siyasi üginishke uyushturmaqta. Shinjang uniwérsititi oqutush bashqarmisining bir mu'awin xitay bashliqi ilgiri shinjang unwérsititida milli oqughuchilargha xitay tilida ders ötüshke qarshi chiqquchilar milli bölgünchiler süpitide bir terep qilinidu dep tekitligen idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet