" Qeshqer edebiyati" zhurnilining muherriri küresh hüseyin türmidin qoyup bérilidiken


2008-02-01
Share

Merkizi amérikining san fransésko shehiridiki söhbet fondi jem'iyitining jüme küni ashkarilishiche, qeshqer edebiyati zhurnilining muherriri küresh höseyin Uyghur aptonom rayonining maralbéshi nahiyisidiki bir türmidin shenbe küni qoyup bérilidiken. Söhbet fondi jem'iyiti, küresh hüseyinning 3 yilliq qamaq jazasining mudditi toshqanliqi seweblik 2 ‏- féwral küni qoyup bérilidighanliqini bildürdi.

Küresh höseyin 2004 - yili qeshqer edebiyati zhurnilining muherriri bolup xizmet qilghan mezgilide maralbéshiliq yazghuchi nurmuhemmet yasinning " yawa kepter" namliq esirini "qeshqer edebiyati" zhurnilida élan qilghanliqi tüpeyli xitay da'iriliri teripidin qolgha élinip 3 yilliq qamaq jazasigha höküm qilin'ghan. Lékin küresh hüseyinning qoyup bérilidighanliqi xitay da'iriliri teripidin téxi ispatlanmidi. Eyni chaghda da'iriler "yawa kepter"ning aptori nurmuhemmet yasinni esiride kishilerni bölgünchilikke we zorawanliqqa qutratquluq qilghan, dégen jinayetler bilen eyiblep 10 yilliq qamaq jazasigha höküm qilghan.

Nöwette nurmemet tursun, ürümchidiki 1 ‏- türmide jaza mudditini ötimekte. Aldinqi yili b d t kishilik hoquq komitétining ten jazasini tekshürüsh emeldari manfrid nowak, ürümchini ziyaret qilghanda nurmuhemmet yasinni yoqlighan we ten jazasigha uchrash ehwalini sürüshtürgen idi.

Xitay hökümiti 2004 ‏- yili nurmuhemmet yasin we muherrir küresh hüseyinlerni qolgha élipla qalmay, yene nurmuhemmetning " yawa kepter" élan qilin'ghan qeshqer edebiyatining 4 - sanini yighiwalghan. Xitay da'irilirining bu herikiti xelq'ara jem'iyetning tenqidige uchrighan, hetta bu weqe amérika tashqi ishlar ministirliqining kishilik hoquq doklatida tilgha élin'ghan idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet