Merhum küresh küsen ependi wapatining bir yilliqi xatirilendi


2007-10-07
Share

Uzundin buyan özining yangraq we jenggiwar naxsha muzikiliri bilen Uyghur milliy herikitide tégishlik orun tutup kelgen , naxshichi we kompozitor küresh küsen ependining wapatining bir yilliqi munasiwiti bilen, merhumning singlisi munewwer xanim amérika Uyghurliri birleshmisining yéqindin maslishishi bilen 6-öktebir küni amérika paytexti washin'gton yénidiki fa'irfakis shehiride nezir hem iptarliq uyushturdi.

Merhumning bir yilliq xatirilesh murasimigha washin'gton etrapidiki Uyghurlar emes belki, nyuyork we niyw jérsiy qatarliq shitatlardinmu bir qisim Uyghurlarmu kélip qatnashti. Bu pa'aliyette merhum küresh küsenning rohigha atap du'a-tilawet qilindi shuningdek uning mol mezmunluq ijadiy pa'aliyetliri we siyasiy küresh hayati eslep ötüldi.

Qedimiy kuchaning küsen namini özige texellus qilghan küresh sultan ötken yili. 29 -Öktebirde shiwétsiyede tuyuqsiz qozghalghan yürek tiqilmisi bilen 47 yéshida qaza qilghan idi. Dunya Uyghur qurultiyining re'isi rabiye qadir xanim küresh küsenning wapatini Uyghur milliy herikiti üchün zor bir yoqitish dep teriplesh bilen uning Uyghur dawasigha qoshqan töhpilirining héchqachan untulmaydighanliqini körsetken idi.

Küresh sultan 1959‏-yili, ürümchide tughulghan, yashliq hayatini kuchada ötküzgen. Ilgiri kéyin aqsu, ürümchi, béyjingdiki sen'et mektepliride oqughan.

U 1996-yili chet'elge chiqip kétip, ilgiri kéyin türkiye we ottura asiya memliketliride pa'aliyet élip barghandin kéyin shwétsiyige kélip yerleshken , bu jeryanda u besh qisimliq " oyghan türkistan"ni we "kuchar naxshiliri" hem bashqa naxsha albomlirini chiqarghan, u, Uyghur xelq naxshilirini gherb dunyasigha tonushturushta muhim töhpe qoshqan idi.

Küresh küsen siyasiy pa'aliyetler bilen shughullinip, dunya Uyghur yashliri qurultiyi re'isi, dunya Uyghur qurultiyi teptishi, shwétsiye Uyghur komitétining re'isi qatarliq wezipilerni atqurghan.(Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet