Uyghur élide "üchke wekillik qilish" ni asasiy idiye qilghan tashqi ishlar neziriyisi terbiylesh kursi échildi


2004-12-08
Share

Uyghur éli boyiche ötküzülgen "üchke wekillik qilish" ni asasiy idiye qilghan tashqi ishlar nezirisi terbiylesh kursi charshenbe küni etigen ürümchide échildi.

Kursning bashlinish murasimida aptonom rayon tashqi ishlar ishxanisining mudiri nishan ibrahim tashqi ishlar we tashqi teshwiqat ishlirining muhimliqini tekitlep, buning döletning menpe'etini qoghdash we xelq'arada yaxshi obraz tikleshte muhim rol oynaydighanliqini tekitlidi.

" Tengri tagh xewer tori" ning xewirige qarighanda, bu qétimliq kursqa, Uyghur élining herqaysi sheher, oblastliridiki tashqi teshwiqat bölümliri, tashqi iqtisad komitéti, sehiye nazariti, xelq ishliri nazariti we shinjang uniwérsitéti qatarliq 50 nechche idare - organdin bolup 170 nechche neper kadir qatnashti.

Xitay hökümiti yéqindin béri Uyghur élidiki tashqi teshwiqat ishlirigha alahide ehmiyet bériwatqan bolup, Uyghur élidiki herqaysi organlarning tashqi teshwiqat ishlirining kommunist partiye idiyisini yétekchi idiye qilishigha köp küch chiqarmaqta. Chet'eldiki Uyghur analizchiliri xitayning bu xil terbiye arqiliq Uyghur élidiki heqiqiy weziyetni yoshurup, kompartiyini teriplesh we memnun bolush keypiyatinila otturigha élip chiqishni meqset qiliwatqanliqini ilgiri sürmekte.(Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet