خىتاي ھۆكۈمىتىنىڭ ئاقسۇ شەھەرلىك پارتكوم ئىشخانىسى، ئايكۆل يېزىسىدا مەخسۇس كۇرس ئېچىپ 350 نەپەر يېزا تايانچ كادىرلىرىنى بىر ئارىغا يىغىپ، دىن، مىللەت نەزەرىيىسى ۋە شىنجاڭ تارىخى ھەققىدە تەربىيە ئېلىپ بارغان.
شەرقىي تۈركىستان ئۇچۇر مەركىزىنىڭ بۈگۈن ئاشكارىلىشىچە، مەزكۇر كۇرس بىر ئاي مۇددەت بىلەن 3 قارارغا بۆلۈپ ئېچىلغان بولۇپ، ھەر ھەپتىنىڭ پەيشەنبە كۈنى كەچكە ئورۇنلاشتۇرۇلغان ئىكەن.
مەلۇم بولۇشىچە، كۇرسقا قاتناشقان يېزا كادىرلىرى ئۆگىنىشنى تۈگەتكەندىن كېيىن، ئىمتىھانغا قاتنىشىپ، نەتىجىسىگە ئاساسەن كەلگۈسىدىكى ۋەزىپىسىگە بەلگىلىنىدىكەن.
شەرقىي تۈركىستان ئۇچۇر مەركىزىنىڭ بىلدۈرۈشىچە، ھەج پائالىيىتى ۋە قۇربان ھېيت ھارپىسىدا، خىتاي ھۆكۈمىتى يېزىلارغا قاراتقان نازارىتىنى كۈچەيتىش بىلەن بىرلىكتە ئاساسىي قاتلام كادىرلىرىنى مەجبۇرىي سىياسىي ئۆگىنىشكە يىغىۋالغان. (ئەقىدە)