D u q ning nöwettiki yighini gollandiyide échildi

Dunya Uyghur qurultiyining Uyghur rehberlirini terbiyilesh kursi we dunya Uyghur qurultiyining birinchi qétimliq ijra'iye komitéti yighini 5‏-ayning 6‏- küni gollandiyining den hag yeni ga'aga shehiride resmiy ichildi.

Amérika döletlik démokratiyini ilgiri sürüsh fondi jem'iyitining maddiy yardimi bilen, dunya Uyghur qurultiyi we wakaletsiz milletler teshkilati birlikte teshkilligen Uyghur rehberlirini terbiyilesh kursi we dunya qurultiyi ijra'iye komitétining birinchi nöwetlik yéghinigha dunyaning herqaysi döletliridin kelgen Uyghur teshkilat rehberliri, chet'ellik mutexesisiler we mihmanlar bolup 50 din artuq kishi qatnashqan.

Dunya Uyghur qurultiyi mes'ullirining bildürüshiche, bir hepte dawamlishidighan yéghin jeryanida, tonulghan siyasyunlar we xelq'ara kishilik hoquq teshkilatlirining mutexesissiliri Uyghur teshkilat rehberlirige Uyghur kishilik hoquq mesilisini xelq'ara jama'etke qandaq tonushturush, Uyghur mesilisini dunyagha tonutushta tinch yol bilen pa'aliyet élip bérish mesililiri buyiche ders béridiken hemde xelq'ara teshkilatlarning pa'aliyet usullirini tonushturidiken. (Ömer qanat)