Ло гән, уйғур аптоном районида "бөлгүнчиләр" гә қарши туруш тоғрисида җар салди


2005-09-26
Share

Уйғур аптоном райони қурулғанлиқиниң 50 йиллиқини мубарәкләш үчүн әвәтилгән хитай мәркизи һөкүмәт вәкилләр өмикиниң башлиқи, хитай компартийиси мәркизи комитет сияси бюросиниң даими әзаси ло гән, уйғур аптоном райониниң 50 йиллиқини тәбрикләш байримида аталмиш бөлгүнчиләргә қарши туруш тоғрисида җар салди.

Лу гән, илидики қораллиқ сақчи қисимлирини зиярәт қилғанда, "пәқәт вәтәнниң бирликини қәтий қоғдап, миллий бөлгүнчиләргә қарши турғандила, иҗтимаий иқтисадниң тез тәрәққияти, җәмийәт муқимлиқи, илиниң узун муддәтлик аман - есәнликини сақлиғили болиду," дәп тәкитлигән.

Лу гән йәрлик даириләрниң терроризмға қарши һушярлиқни өстүрүп, террорчиларға қарши иқтидарни күчәйтишкә чақирди. Шуниң билән бир чағда хитай дөләт кабентиниң муавин баш министири, мубарәкләш өмикиниң муавин башлиқи хуй ляңйүй, хотәнни зиярәт қилди.

Ло гән билән хуй ляңйүйләрниң паалийити шу җайларда туриватқан һәрбийләр, қораллиқ сақчилар, биңтүән, көчмәнләр вә партийә - һөкүмәт органлиридики хитай кадирлар билән учрушуш вә һал сорашни асас қилиш болди.

Ло гән хитай компартийисиниң сияси қанун вә бихәтәрлик ишлириға мәсул әмәлдари. Чәтәл мәтбуатлириниң тәкитлишичә, униң илида қилған сөзи диққәт қилишқа әрзийдикән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт