Ло гән алтайда йәнә "бөлгүнчиләр" гә һуҗум қилди


2005-09-27
Share

Хитай компартийиси мәркизи комитет сияси бюросиниң даимий әзаси, уйғур аптоном райони қурулғанлиқиниң 50 йиллиқини тәбрикләш мәркизи вәкилләр өмикиниң башлиқи ло гән, дүшәнбә күни уйғур аптоном райониниң алтай вилайитини зиярәт қилғанда йәнә аталмиш "миллий бөлгүнчиләр" мәсилисини тилға алди.

Ло гән, зиярәт җәрянида алтайдики һәрбий даириләр, биңтүәнликләр, көчмәнләр вә йәрлик даириләрни аталмиш "миллий бөлгүнчиләр" вә "террорчилар" ға қарши күрәш қилишқа чақирған.

Ло гән, сияси бейрониң қанун вә бихәтәрлик ишлириға мәсул даими әзаси болуп, у, уйғур аптоном райониға қәдәм қойғандин бери аталмиш "миллий бөлгүнчиләр вә террорчилар" мәсилисини күнтәртиптин чүшүрмиди. У, алтайда "биз миллий бөлгүнчиликкә вә терроризмға қәтий қарши турушимиз шундақла иҗтимаий тәртипни сақлаш үчүн тиришчанлиқ көрситишимиз керәк," дәп тәкитлигән.

Хитайниң уйғур аптоном районида қанат яйдуриватқан аталмиш терорчилар вә бөлгүнчиләргә қарши туруш һәрикити хәлқара кишилик һоқуқ органлириниң тәнқидигә учримақта. Хәлқара кәчүрүм тәшкилати бу һәрикәтни терроризмни баһанә қилип, уйғурларниң кишилик һоқуқини дәпсәндә қилиш, дәп әйиблигән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт