Uyghur élide oqughuchilarning adettiki aliy mektepke kirish nisbiti 65٪ ke yetken


2005.08.19
Share on WhatsApp
Share on WhatsApp

Aptonom rayonluq oqughuchi qobul qilish ishxanisining melum qilishiche, bu yilliq oqughuchi qobul qilish xizmiti 16 - awghust küni axirlashqan bolup, Uyghur élide 83074 oqughuchi adettiki aliy mektepke qobul qilin'ghan. Shundaq bolghanda bu yilliq adettiki aliy mektepke ötüsh nisbiti 65٪ ke yetken.

Aptonom rayonluq ma'arip nazaritining partkom sikrétari jaw déjung, bu qétimliq pütün milliy we xitay oqughuchilirini qobul qilish xizmitining döletlik ma'arip ministirliqining telipi boyiche, torda qobul qilish usuli bilen élip bérilghanliqini bildürdi. U yene, oqughuchi qobul qilish mezgilide mewjut bolghan bezi mesililernimu étirap qilip, bezi mekteplerning artuq pul yighiwélish, shundaqla otturida mangghuchi orunlar we shexslerning oqughuchilar we ularning ata- aniliridin aldap pul élish ehwalliriningmu sadir bolghanliqini bildürdi.

Buning bilen bir waqitta yene, ichkiridiki shinjang toluq ottura siniplirigha oqughuchi qobul qilish xizmitimu axiriliship, bu yil mezkur siniplargha jem'iy 3075 neper milliy oqughuchi qobul qilin'ghan. Tengritagh xewer torining melum qilishiche, bu oqughuchilarning 55٪ i yézilardin kelgen déhqan- charwichilarning perzentliri iken. Shundaqla ma'arip orunlirining kelgüsidiki nishani bolsa, Uyghur éli yéziliridiki déhqan perzentlirining qobul qilinish nisbitini 90٪ ke yetküzüsh iken. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.