Manas nahiyiside emgek küchliri yétishmeslik ehwali yüz bermekte

Xitay da'irilirining Uyghur ilidiki emgek küchlirini xitay ölkilirige yötkesh herikiti dawamlishiwatqan bir peytte, halbuki manas nahiyside emgek küchliri yétishmesliktek ehwal körüldi.

Tengritagh torining yéqinda bergen xewerliridin ashkarilinishiche, manas nahiyisidiki tiyenjé paxtichiliq cheklik shirkitige bultur 100 adem kemchil bolghan, shirketning zor tirishchanliq körsitishi netijide bu yil 30 adem kemchil bolush halitige özgergen. Xewerlerge qarighanda 2002 ‏- yildin 2006 ‏- yilighiche, manas nahiyisi buyiche sodiger we meblegh jelp qilidighan karxana 180 nechchige yetken. Jem'iyet 7 ming 30 ish orni bilen teminlen'gen, nöwette ishqa orunlashqanlar 6 ming 815 ke yetken.

Biraq xewerde, manas nahiyiyiside ishqa orunlashqanlarning yerlik emgek küchliri yaki xitay ölkiliridiki emgek küchliri ikenliki heqqide éniq bir nerse diyilmigen bolup, chet'ellerde pa'aliyet élip bériwatqan Uyghur teshkilatlirining bildürüshiche, hazir xitay da'iriliri Uyghur élidiki emgek küchlirini xitaygha ölkilirige yötkep, Uyghur élidiki ish orunlirini xitaydin kelgen éshinchi emgek küchliri bilen toldurush arqiliq, özlirining istratégiyilik meqsidini ishqa ashurmaqta iken.

Dunya Uyghur qurultiyining bayanatchisi dilshat rishit " Uyghur emgek küchlirini mexsetlik halda xitaygha yötkesh, Uyghurlarni assimliyatsiye qilishning bir xil shekli hésablinidu" dédi. (Eqide)