Хитай даирилири үрүмчидә айрупиланни гөрүгә елиш вәқәсигә қарши маневир өткүзди


2004-10-21
Share

Хитайниң дөләтлик айропилан булаш вәқәлирини бир тәрәп қилиш рәһбәрлик гурупписи уйғур аптонум райондики алақидар тармақлар билән бирлишип, чаршәнбә күни үрүмчи айродурумида айропиланни гөрүгә елиш вәқәсигә қарши маневир өткүзди.

Хитайниң һөкүмәт ахбарати болған тәңритағ тор бетиниң хәвиридин ашкарилинишичә, маневирда хитайниң бир йолучилар айрупилани мәлум бир дөләттин қайтқанда, төт нәпәр " террорчи"ниң булишиға учриғанлиқ вәқәси тәқлид қилинған. Хитай сақчилири маневир җәрянида буланған айрупиланни үрүмчи айридурумиға қонушқа мәҗбур қилиш вә айрупилан булиғучиларни етип өлтүрүш һәрикитини мәшиқ қилған. Мәзкүр маневирға уйғур аптунум раюндики җамаәт хәвпсизлик, авиатсийә, ташқи ишлар, бихәтәрлик, сәһийә вә қораллиқ қисим қатарлиқ тармақлардин 600 дин артуқ адәм қатнашқан.

Гәрчә хитай һөкүмити бу қетимқи маневир арқилиқ хитайниң алақидар тармақлириниң хәлқара террорчиларға четишлиқ айрупилан булаш вәқәлиригә тақабил туруш қабилийитини өстүрүшни мәқсәт қилидиғанлиқини билдүрсиму, әмма чәтәлдики уйғур анализчилири хитайниң мәзкүр маневирни башқа җайларда әмәс, бәлки уйғур елидә өткүзгәнликигә гуман билән қаримақта.

Уларниң билдүришичә, уйғур елидә һазирға кәлгичә айрупилан булаш вәқәлири йүз бәрмигән болуп, хитай һөкүмитиниң үрүмчидә бундақ бир маневирни елип бериши, уйғур елидики сиясий һәрикәтләрни хәлқара террорчилиққа четишқа уруниватқанлиқиниң бир намайәндиси икән. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт